Pimmusay ni Rod Lofamia, dibuhista ti Bannawag, iti edadna a 79 idi Septiembre 24, 2024.
Simamassayag ita iti pagtaenganda iti 11 Don V. Reyes St., Angono, Rizal. Maitulod ti bangkayna iti St. Clement Catholic Cemetery, Angono, Rizal, inton Oktubre 1, Martes, iti ala una iti malem.
Adu a nobela a komiks, sarita, ken nobela a prosa ti indibuho ni Rod, awagna kadagiti kasingedna, iti Bannawag ken kadagiti dadduma a magasin a kabsat ti Bannawag, ti Liwayway, Bisaya, ken Hiligaynon.
Kabsat ni Rod ni Jun Lofamia (pimmusayen) a nagpapaay met laeng a dibuhista ti Bannawag
Tao, Lugar, Pasamak
