Madoblen ti Vacation Service Credits (VSCs) dagiti mannursuro iti gobierno, kas impakaammo ti Department of Education (DepEd) itay Septiembre 27.
Maibatay iti DepEd Order No. 13, s. 2024 a pinirmaan ni Secretary ti DepEd Juan "Sonny" Angara, manipud iti 15, nagbalinen a 30 nga aldaw ti VSC dagiti mannursuro ti DepEd.
Ti VSC ket dagiti leave credit a maala dagiti mannursuro iti publiko a pagadalan para iti serbisio a naitedda bayat ti summer vacation wenno atiddog a bakasion, bakasion iti Paskua, ngudo ti lawas, ken dagiti piesta, kasta met no aglabes iti oras ti panangisurona.
Segun iti baro a pagannurotan, dagiti mannursuro a makatawendan iti serbisio, kasta met dagiti addan uppat a bulanda iti serbisio, ket maaddaanen iti 30 nga aldaw a VSC.
Ruth Padilla, agngayangay a kas Diputado ti Nueva Vizcaya
Inlawlawag ti DepEd a kasapulan ti "pammalubos" manipud iti Schools Division Superintendent wenno sabali pay a nadutokan nga autoridad, tapno maaprobaran ti VSC. (Merlina Hernando-Malipot/Manila Bulletin//Lito Hilidon/Bannawag)
