Napigsa nga angin ti inyeg ni Bagyo Julian (internasional a nagan: "Krathon") iti Amianan a Luzon bayat ti ilalasat daytoy iti Balintang Channel ita, Septiembre 30, segun iti kaudian a pakaammo ti Philippine Atmospheric, Geophysical and Astronomical Services Administration (PAGASA).
Addaan ni Julian iti kapigsa a 175 kilometro tunggal oras iti asideg ti sentrona, ken pugso a 215 kilometro tunggal oras, ken kapardas a 10 kilometro tunggal oras.
Itay 8:00 ti agsapa, nagtalinaed iti Tropical Cyclone Wind Signal (TCWS) No. 4 ti Batanes ken amianan a paset ti Babuyan Island, idinto a TWCS No. 3 ti naibayog iti dadduma pay a paset ti Babuyan Island ken amianan a paset ti Cagayan.
Naibayog ti TWCS No. 2 iti dadduma pay a paset ti Cagayan, amianan a paset ti Abra, amianan a paset ti Kalinga, Ilocos Norte, ken amianan a paset ti Ilocos Sur; idinto a TWCS NO. 1 ti naibayog iti natda a paset ti Ilocos Sur, La Union, Pangasinan, natda a paset ti Abra ken Kalinga, Ifugao, Mountain Province, Benguet, Isabela, Nueva Vizcaya, Quirino, Aurora, amianan ken daya a paset ti Nueva Ecija, ken Polillo Islands.
Valdez, Opinaldo, Padios, nangabak iti Maika-72 a Palanca Memorial Awards for Literature
Segun iti PAGASA, mabalin a pumigsa pay ni Julian ket agbalin a Super Typhoon inton Oktubre 1.
Manamnama nga awanton ni Bagyo Julian iti Philippine Area of Responsibility (PAR) inton bigat wenno malem ti Okt. 4.(Ellalyn De Vera-Ruiz/Manila Bulletin//Lito Hilidon/Bannawag)
