Mapanen a 9.3-milion a views ti nairekord ti serye nga “Agatha All Along” iti entero a lubong iti umuna pay laeng a lawas manipud pannakairuarna iti Disney+.
Impakaammo ti Walt Disney Co. Daytoy kalpasan ti umuna a pito nga aldaw a pannakaipabuya ti serye iti nasao a platform.
Segun iti streaming analytics company FlixPatrol, nairaman ti “Agatha All Along” iti top 10 iti 56 a pagilian ken teritorio agingga itay Oktubre 2.
Iti panagtultuloy ti serye a mangtiltiliw iti imatang dagiti agbuybuya gapu kadagiti misterioso a pagteng ken kadagiti nakaay-ayat nga eksenana, ur-urayen met a sigagagar dagiti fans ti pannakairuar ti maikapat nga episodio daytoy. (Jonathan Hicap/Manila Bulletin)
Lokal
