Agtultuloy ti panagbaba ti implasion iti pagilian (ilalaka ti presio dagiti serbisio ken magatgatang) idi Septiembre, ket nadanonnan ti kababaan nga agpang iti las-ud ti uppat a tawen.
Impakaammo ti Philippine Statistics Authority (PSA) ita, Oktubre 4, a bimmaba ti headline price index iti 1.9 a porsiento idi napan a bulan manipud iti 3.3 a porsiento idi Agosto.
Ti ilalaka ti presio ti taraon ti itudtudo ti PSA a makaigapu iti panagbaba ti implasion.
Ti ilalaka ti bagas, a kangrunaan a taraon dagiti Filipino, ti nangitunda iti sapasap a panagpababa ti implasion. Malaksid itoy, bimmaba met ti presio dagiti nateng, bagás ti múla (root crops), ken bukbukel.
Kampo ni Duterte, agkiddaw iti legal aid ti ICC
Agtultuloy met ti panagbaba ti gastos iti transportasion, a mangted bang-ar kadagiti pasahero.
Bimmaba met ti bayadan iti panagpabalay, danum, koriente, gasolina, ken dadduma pay a produkto ti lana, a nangdegdeg iti sapasap a panagbaba ti implasion. (Manila Bulletin//Lito Hilidon/Bannawag)
