Naipaay ti PhP2.5 a bilion a balor dagiti ramit a para agrikultura, ken pinansial a tulong kadagiti mannalon ti Cagayan ken Isabela manipud iti Department of Agriculture (DA) itay Oktubre 3.
Kinuna ti DA a nairaman kadagiti naited ti bukbukel, dingo, ramit a pagkalap, post-harvest facilities ken pinansial a tulong tapno mapasayaat ti apit iti dua a probinsia iti amianan a Luzon, a kangrunaan a paggapgapuan ti bagas ken mais.
Segun iti DA, nakaawat ti Cagayan iti PhP1.13 a bilion a tulong; PhP1.37 a bilion met ti naited iti Isabela, a kaaduanna ti naggapu iti Rice Competitiveness Enhancement Fund (RCEF), nga aggapu met iti taripa ti inangkat a bagas.
Naipaay ti bilog (bangka) ken fingerlings kadagiti adda iti sektor ti panagkalap.
Makaammon ni Apo Dios,” kinuna Sen. Imee Marcos iti komento ni BP Duterte iti pannakaisubli ni tatangna iti Filipinas
Indauluan ni Sekretario ti DA Francisco “Kiko” Tiu Laurel Jr. ti pannakaiwaras dagiti tulong, ken impaganetgetna ti panangilala ti administrasion iti tay-ak ti agrikultura.
Linuktan pay ti DA ti rice processing system iti Naguilian, Isabela nga agbalor iti PhP114.5 a milion ken nangyawat iti PhP65.7 a milion a ramit a para iti agrikultura kadagiti kooperatiba ti mannalon iti Cagayan. (Jel Santos/Manila Bulletin//Lito Hilidon/Bannawag)
