Pinirmaan ni Presidente Ferdinand Marcos Jr. (PBBM) ita, Oktubre 8, ti Republic Act No. 12024 wenno ti Self-Reliant Defense Posture Revitalization Act a mangipalubos iti pagilian a mangbangon iti independent defense posture a saan nga agpannuray kadagiti dadduma a partido.
Babaen daytoy a linteg, agpannuray ti panangdepensa ti Filipinas iti kinatibker ti bukodna a rekursos ken kabaelan, ken maipasdek ti naurnos a pamay-an iti panagdur-as ti depensa, mangrugi iti kabaelan ti panagsukisok ken panagpartuat.
Ti National Defense Industry Development Plan ti agpaay a mangiwanwan iti pannakabukel ti sektor ti depensa ti pagilian iti sumarsaruno a tawen.
Inlawlawag ni PBBM a babaen daytoy a linteg, mabaelan ti Filipinas ti mangipatakder iti estratehia ti panangsalaknib a mangsinga kadagiti di gagangay a pangta kas iti cybersecurity breach, chemical attack, ken radiological threat.
Mangnamnama ni Marcos iti pannakaisubli ti panangipateg ni Pinoy iti arte a Filipino
Impanamnama ni PBBM iti Armed Forces of the Philippines (AFP) a mapabileg dagiti soldado babaen ti kinalaing ken kinasaririt ti managpartuat a Filipino. (Betheena Unite/Manila Bulletin//Lito Hilidon/Bannawag)
