Tumaray manen a para Provincial Board Member ti Maikadua a Distrito ti Cagayan ni Vilmer V. Viloria, iti panangipilana iti certificate of candidacy-na (COC) ita a Martes, Okt. 8, iti COMELEC Provincial Office, Tuguegarao City.
Namin-adun a daras a nagpaay kas bokal ni Viloria iti maikadua a distrito ti probinsia, a buklen dagiti ili ti Abulug, Allacapan, Ballesteros, Calayan, Claveria, Lasam, Pamplona, Piat, Rizal, Sanchez Mira, Santa Praxedes, ken Santo Niño.
Maysa a mannalon, brodkaster, ken mannurat, nagpaay pay ni Viloria a presidente ti GUMIL Filipinas, ti gunglo dagiti mannurat nga Ilokano iti pagilian ken ballasiw-taaw. (BANNAWAG News Team)
Lokal
