Nagdeklarar ti State of Calamity ti probinsia ti Cagayan gapu iti didigra a pinataud ni Super Typhoon Julian iti probinsia itay napan a lawas.
Kinuna ni Board Member ti Cagayan Vilmer Viloria nga inanamongan ti Provincial Disaster Risk Reduction Management Council (PDRRMC) ti rekomendasion a pannakaideklarar ti State of Calamity itay Oktubre 7.
Segun ken ni Rueli Rapsing, officer-in-charge ti Provincial Disaster Risk Reduction and Management Office (PDRRMO), nagsagrap ti Cagayan iti PhP793,683,218.21 a balor ti nadadael gapu ken ni Julian – PhP791,393,873.21 iti agrikultura; PhP2,186,145 iti taraken, ken PhP103,200 iti impraestruktura.
Kinuna ni Rapsing a babaen daytoy a deklarasion, mabalin nga usaren ti probinsia ti PhP36 a milion a pondo para iti mabiit a panagresponde tapno matulongan dagiti naapektaran ni Julian.
Ilocos Sur, Umuna a Puesto iti Regional SubayBAYANI Awards
Immuna a naideklarar ti state of calamity iti Calayan, Cagayan kalpasan a nadadael ti nasurok PhP100 a milion a balor ti impraestruktura ken ti dipay natingiting a balor ti nadadael iti agrikultura. (Freddie Lazaro/Manila Bulletin//Lito Hilidon/Bannawag)
