Impaganetget ti Armed Forces of the Philippines (AFP) ti dakkel nga akem ti Enhanced Defense Cooperation Agreement (EDCA) sites iti panagresponde iti didigra, kas paneknekan ti joint relief operation ti militar ken dagiti kaasmangda manipud iti Estados Unidos (US), iti Batanes a naapektaran ti bagyo.
Kinuna ni daulo ti public affairs office ti AFP Col. Xerxes Trinidad a pasayaaten ti EDCA Site ti kabaelan ti militar nga agresponde a dagus ken mangipaay iti kasapulan a pasilidad iti panawen ti didigra.
Itay Oktubre 8, intulod ti AFP dagiti kasapulan a relief supply iti komunidad a naapektaran ti Bagyo Julian iti Batanes. Sibaballigi ti operasion iti pannakitinnulong ti US.
Dua nga eroplano ti US Marine Corps MV-22 Osprey ti nangibiahe iti Foreign Disaster Relief (FDR) a suplay nga impaay ti US Agency for International Development (USAID), manipud iti Laoag Airport agingga iti Batanes.
Blazers, inatiwda ti Red Lions; kasangoda ti Cardinals iti NCAA finals
Nagitulod pay ti eroplano a US Air Force Dornier 328 kadagiti ayuda manipud iti Manila aginga iti isla.
Dua kadagiti siam nga EDCA site iti pagilian ti adda iti Cagayan iti amianan a Luzon, nga asideg iti Batanes. (Martin Sadongdong/Manila Bulletin//Lito HIlidon/Bannawag)
