Kinemmeg dagit autoridad ti tallo a nangata ti saadna a daulo ti New People's Army (NPA) iit Barangay Manag iti Conner, Apayao itay Oktubre 8.
Adda naawat nga impormasion ti 503rd Infantry Brigade manipud iti maseknan a residente mainaig iti kaadda dagiti rebelde iti lugar.
Nagpatrulia dagiti soldado a kinadua dagiti polis iti lugar ket nasanebda ti tallo a tao a positibo a nabigbig a kangrunaan a kameng ti Regional Guerilla Unit-Regional Operations Command of the Ilocos-Cordillera Regional Committee (ICRC) nga agtigtignay iti Amianan a Luzon.
Nabigbigda a da alias Sam, ti commanding officer ti Regional Sentro de Grabidad (RSDG) ti ICRC; alias Tanya, political instructor; ken ni alias Annie, ti organizer ken head of education ti kimmapuyen a Kilusang Larangang Gerilya-Baggas.
Baro a Bangui Bypass Road, manamnama a mangpalukay iti trapiko iti Amianan a Luzon
Nasamsam kadakuada ti dua nga M16A1 riple nga addaan ti bala, granada, pagpasabog, ken personal a gargaret.
Dinayaw ni Major Gen. Gulliver L. Señires, commander ti Infantry Division dagiti soldado iti naballigi nga operasion.
Dinadagadag ni Señires dagiti natda pay nga NPA nga agsublidan iti gobierno. (Liezle Basa Iñigo/Manila Bulletin//Lito Hilidon/Bannawag)
