Walo a kameng ti Philippine Marine Corps (PMC) Elite Force Reconnaissance Group (FRG) ti sibaballigi a nakaileppas iti Exercise Cambrian Patrol a naangay iti Black Mountains and Sennybridge Training Area iti Wales, United Kingdom manipud Oktubre 4 agingga 6.
Inasak dagiti kameng ti PMC ti narigat a dalan ti Cambrian Mountains iti nasurok 48 nga oras bayat nga ar-aramidenda ti narikut nga aramid-militar. Nasuotda met iti nadumaduma nga aspekto ti panagsoldado, agraman ti panaglayag, fieldcraft, panagpaltog, panagibakuit kadagiti biktima, ken sursuro-militar.
Ti Exercise Cambrian Patrol ti UK ti maibilang kadagiti maysa a karirigatan a panagsanay-militar iti sangalubongan a pakipartisiparan dagiti mabigbig a bunggoy-militar manipud iti amin a paset ti lubong. (Priam Nepomuceno/PNA//Lito Hilidon/Bannawag)
