Inladawan ni Presidente Ferdinand Marcos Jr. ti singgalut ti Filipinas ken Canada a "natibtibker ngem idi damo" bayat a nagpatangda ken ni Prime Minister ti Canada Justin Trudeau mainaig iti panagtinnulong dagiti dua a pagilian iti depensa, negosio, ken dadduma pay a benneg ti panagtinnulongda a dua.
Daytoy ti kinuna ni Presidente Marcos iti panagpatangda ken ni Trudeau iti 44th ken 45th ASEAN Summits and Related Summits iti Laos itay Oktubre 10.
Bigbigen da Marcos ken Trudeau ti natibker a panagtinnulongda iti panagdur-as ti ekonomia ken seguridad iti rehion ken pinatalgedanda ti panagkumitda a mangpabileg pay iti iti relasionda iti komersio ken ti panagtinnulongda iti nadumaduma a sektor.
Inyebkas da Marcos ken Trudeau ti pannaseknanda iti kumarkaro a risiris iti South China Sea, ken impaganetgetda ti panagkumitda iti kinatalged iti rehion ken iti internasional a linteg.
Vloggers, mabalin a maarestar no agtultuloyda a di mangikankano iti hearing ti Kamara mainaig iti fake news
Kiniddaw ni Marcos ti suporta ken panangyendorso ni Trudeau iti takder ti Filipinas iti Group of Seven (G7). (Argyll Cyrus Geducos/Manila Bulletin//Lito Hilidon/Bannawag)
