Nasurok a 100 a Filipino ti napakawan iti United Arab Emirates (UAE), kas impakaammo ni Presidente Ferdinand Marcos Jr.
Segun ken ni Presidente Marcos (PBBM), nakapatangna ti Presidente ti UAE a ni Sheikh Mohamed bin Zayed ita, Oktubre 14, ket nagyaman iti pannakapakawan dagiti 143 a Filipino, a nangpabang-ar iti adu a pamilia.
Malaksid iti daytoy, nagyaman met ni PBBM iti impaay a tulong ti UAE kadagiti naapektaran ti napalabas a bagyo ken layus iti Filipinas.
Inyebkas ni PBBM a kanayon a makaparegta a mangngeg ti agtultuloy a panagballigi dagiti mangmangged a Filipino ken mangipaay iti positibo a kontribusion iti UAE, ket innayonna ti panangnamnamana a mapapigsa pay ti singgalut dagiti dua a pagilian. (Betheena Unite/Manila Bulletin//Lito Hilidon/Bannawag)
