Nagsarita ti Filipinas, Estados Unidos (US), ken Japan maipapan iti cybersecurity bayat a pinasaknapda ti singgalutda a tallo, tapno mairaman ti panangtaming kadagiti cyberthreats.
Timmabuno dagiti opisial ti information and technology departments ti tallo a pagilian iti Singapore, ket dinakamatda ti panagtitinnulong iti cyberspace.
Nairaman kadagiti nadakamat ti civilian cybersecurity capacity building, cybersecurity workforce development, maritime cybersecurity, ken information sharing.
Impasingked dagiti tallo a pagilian ti agtultuloy a panagtitinnulongda tapno mapasayaat ti kinatalged ti international cyberspace , data security ken privacy, agraman cyber ken digital capacity building iti rehion. (Joseph Pedrajas/Manila Bulletin//Lito Hilidon/Bannawag)
