Nagsaon ni Diputado ti Ilocos Norte 1st district Sandro Marcos ita, Oktubre 22, ket binabalawna ni Bise Presidente (BP) Sara Dutertetgapu iti "nakakaskasdaaw a panagpungtotna" ken dagiti makapasair a komento nga insawsawangna maibusor iti amana a ni Presidente Marcos ken iti pimmusay a lelongna a ni dati a Presidente Ferdinand Marcos Sr.
Segun ken ni Diputado Marcos, nabayag a tinengngelna ti dilana gapu iti panangraemna iti Bise Presidente gapu iti naited kenkuana a turay ken ti pagrebbengan ti akemna.
Ngem kinuna ni Diputado Marcos a kas maysa nga anak, dina mabalin ti agulimek lattan iti impangta ni BP Duterte a kalienna ni dati a Presidente Ferdinand Marcos Sr. ken pugotanna ni PBBM.
Kinuna ni Diputado Marcos a ti marikriknana ket saan laeng a rikna dagiti kakailianna iti amianan, no di ket pay iti entero a pagilian.
Pannakaidatag ti ebidensia ti prosecution, defense iti kaso ni Duterte iti ICC, marugian inton Abril
Segun ken ni Diputado Marcos, linabsingen ni BP Duterte ti pagpatinggaan ti pasiensiana. (Ellson Quismorio/Manila Bulletin//Lito Hilidon/Bannawag)
