Kinemmeg dagiti soldado ti 5th Infantry Division ken ti PNP Ilocos Norte ti maysa a nangato nga opisial ti New People’s Army iti Bacarra, Ilocos Norte idi Oktubre 21.
Iti maysa nga operasion a pinatalgedan ti intelihensia, nakemmeg ni Simon Fiaryao Naogsan Sr., alias "Filiw" ken "Wayat," a pannakangiwat ti Communist Party of the Philippines (CPP) iti Ilocos-Cordillera region.
Kameng pay ni Naogsan ti executive committee, daulo ti regional propaganda, ken dati a sekretario ti Kilusang Larangang Guerilla-Marco iti sidong ti Ilocos-Cordillera Regional Committee a naidarum iti kaso a pammapatay (murder) iti regional trial court (RTC) ti Ifugao ken iti Mountain Province.
Dinayaw ni Major Gen. Gulliver L. Señires, commander ti Army 5th Infantry Division, dagiti kameng ti bunggoy iti gapuananda.
Ilocos Sur, Umuna a Puesto iti Regional SubayBAYANI Awards
Kinuna ni Police Director ti Ilocos Norte Police Col. Frederick E. Obar nga im-imbestigarenda ti kaadda ni Naogsan iti Ilocos Norte. (Freddie Lazaro/Manila Bulletin//Lito Hilidon/Bannawag)
