Nagpakdaar ti The Philippine Atmospheric, Geophysical and Astronomical Services Administration (PAG-ASA) ita a Lunes, Oktubre 28, iti mabalin nga epekto ti Severe Tropical Storm Leon iti amianan a paset ti Luzon iti isusungad ti Piesta Dagiti Natay.
Iti maysa a press conference, imbalakad ni Nathaniel Servando, Administrator ti PAGASA, kadagiti agbibiahe nga agsagana ken agannadda ta manamnama nga apektaran ti bagyo ti dadduma a paset ti Luzon kadagiti masungad nga adaw.
Dinakamatna nga idinto a nangatngato ti trajectory ti Severe Tropical Storm Leon ngem ti Bagyo Kristine, napigsa latta nga angin ken tudo ti idatengna iti Amianan a Luzon
Kuna met ni PAGASA Assistant Weather Services Chief Chris Perez a mabalin nga agbalin a bagyo ni Leon iti las-ud ti 24 nga oras ket adda posibilidadna nga agbalin a super typhoon sakbay a makadanon wenno agdisso iti Batanes iti nagbaetan ti Mierkoles wenno Huebes (Oktubre 30 ken Oktubre 31).
Pannakaiparang dagiti dokumento iti banko, buis, ken AMLC ni VP Duterte, inanamongan ti impeachment court ti Senado
Kas panagsagana iti napigsa nga angin ni Leon, imbayog ti PAGASA ti Sinal No. 1 iti Batanes, Cagayan (agraman Babuyan Islands), Isabela, Ilocos Norte, Abra, Apayao, Kalinga, akindaya a paset ti Mountain Province (Natonin, Paracelis), akindaya a paset ti Ifugao (Aguinaldo, Alfonso Lista), akindaya a paset ti Quirino (Maddela), amianan a paset ti Aurora (Dilasag, Casiguran, Dinalungan), and amianan a paset ti Catanduanes (Pandan, Bagamanoc, Panganiban, Viga, Gigmoto). (Ellalyn De Vera-Ruiz/MB/ / Juan A. Asuncion/Bannawag)
