Impakaammo ti Philippine Atmospheric, Geophysical and Astronomical Services Administration (PAGASA) ita nga aldaw, Oktubre 28, a napigsa nga angin ti yeg ni Bagyo Leon iti adu a paset ti pagilian. Gapu iti daytoy, naibayog ti Tropical Cyclone Wind Signal (TCWS) No. 1 iti Cagayan.
Segun iti PAGASA, mabalin a pumigsa pay ni Leon iti sumaruno a 24 oras ken agbalin a severe tropical storm itoy a malem.
Kinuna ti PAGASA a manamnama a lumabas ni Leon iti Batanes inton Mierkoles wenno Huebes.
Makarikna iti napigsa nga angin ti Cagayan, ti daya a paset ti Isabela, ken ti amianan a daya a paset ti Catanduanes, Batangas, Mimaropa, Bicol Region, ti Visayas, Northern Mindanao, ken ti Caraga Region.
Angin, Danum, Tapok, ken Bulong
Nasaripatpatan ni Leon iti 840 a kilometro iti daya ti Central Luzon, nga addaan iti kapigsa a 85 kilometro tunggal oras iti asideg ti sentrona, ken pugso nga agingga 105 kilometro tunggal oras. (Ma. Cristina Arayata/PNA//Lito Hilidon/Bannawag)
