Mangipaay ti gobierno ti Estados Unidos (US) iti PhP84 a milion a kas humanitarian assistance ken logistics support iti panagresponde ti Filipinas nga inapektaran ni Bagyo "Kristine."
Segun iti Embahada ti US iti Manila, mainayon ti pondo iti agtultuloy a gannuat ti US Agency for International Development (USAID) a mangipaay iti tulong a mangispal iti biag ken mangallangon kadagiti naapektaran iti Bicol ken Batangas.
Babaen daytoy, mangipaay ti USAID kadagiti kasapulan a serbisio kas iti nadalus a danum, sanitasion, pagdagusan, ken tulong pinansial. Mangipaay met ti USAID iti logistical support iti pannakaimaton dagiti pagbakuitan.
Kinuna ti Embahada a ti kaudian a tulong ket maibatay iti dati a suportar ti US iti panagresponde ti gobierno ti Filipinas iti didigra, kas idi nalayus ti Mindanao idi Pebrero, Super Bagyo Carina idi Hulio, ken Super Bagyo Julian iti Oktubre. (Joseph Pedrajas/Manila Bulletin//Lito Hilidon/Bannawag)
