Napili ni Filipino fashion designer Michael Cinco a maysa kadagiti hurado iti 73rd Miss Universe a maangay idiay Mexico inton Nobiembre 16 (Nobiembre 17 iti Manila).
Inwaragawag daytoy ti Miss Universe iti Facebook idi Oktubre 30.
Naglatak ni Cinco gapu kadagiti diseniona a napipintas ken nangingina a gown dagiti mabigbigbig a tattao iti Hollywood.
Ni Cinco, a nakabase idiay Dubai, ti maika-12 a Filipino a nagpaay a hurado iti prestihioso a pageant. Immunan a nagpaay a hurado da Carlos P. Romulo (1974), Josie Cruz Natori (1989), Kuh Ledesma (1991), Don Emilio T. Yap (1994), Lea Salonga (2011), Manny Pacquiao (2015), Pia Wurtzbach (2017), Monique Lhuillier ken Richelle Singson-Michael (2018), Marian Rivera (2021), ken Olivia Quido-Co (2023).
LTO, inkarina nga addanton plaka dagiti amin a traysikel agingga iti Abril 30
Makadua met ni Cinco nga aghurado ita a tawen da 1978 Miss Universe Margaret Gardiner ti South Africa, Gianluca Vacchi, ken Jessica Carrillo.
