NASHVILLE, Tenn. (AP) — Innem a dekada manipud inaramid ti United Record Pressing ti plaka ti umuna a kanta ti Beatles iti U.S., sibibiag pay laeng ti kaunaan wenno kalakayan a pagaramidan iti plaka iti Amerika kalpasan ti panagruar dagiti 8-tracks, cassettes, CDs, Napster, iPods, ken streaming services.
Kadagitoy nga aldaw, napabaro dagiti ramit ken teknolohia daytoy a pagaramidan iti plaka gapu iti umad-adu nga agsapsapul iti plaka (vinyl record).
Manipud iti dati a negosio daytoy ag-75-ti-tawennan a kompania a panagaramid iti plaka a para kadagiti jukeboxes, pumpunnuenna met ita dagiti kabinet dagiti DJs. Iti bodega ti United Record Pressing, adda ditoy dagiti master version dagiti plaka da Johnny Cash, Kanye West, ken ti The Black Crowes. Iti ginatang ni Mark Michaels ti kompania idi 2007, agpukpukawen ti plaka, ket dagiti 38 nga empleadona, yar-aramidanda laeng iti ”single” dagiti rap artists, a masansan a promo dagitoy kadagiti clubs.
Ita, addaanen ti United Record Pressing iti baro a paktoria, innem a daras a dakdakkelen ngem idi ginatang daytoy ni Michaels. Addaan metten iti 125 nga empleado a makaar-aramid iti 80,000 a plaka iti inaldaw. (Jonathan Mattise/ Associated Press/ Manila Bulletin)
