Nakiinnuman ni Department of Social Welfare and Development (DSWD) Secretary Rex Gatchalian kadagiti lider ti International Justice Mission (IJM) itay nabiit, Oktubre 30 (Mierkoles) tapno mapagsasaritaan ti kumarkaro nga isyu maipapan iti Online Sexual Abuse and Exploitation of Children (OSAEC).
Pinasingkedan ti DSWD ken ti IJM ti napinget a pannakainaigda iti pannakasigurado ti pagimbagan dagiti ubbing a Filipino, nangruna dagiti apektado iti OSAEC.
Australiano, 2 pay, natiliw gapu iti bogus a doliar
Ad-adda pay nga ipapati ti DSWD dagiti gannuat daytoy a manglaban iti OSAEC babaen ti pannakadebelop ti Project SAFE para kadagiti OSAEC victim-survivors.
Panggep ti Project SAFE a mapapigsa dagiti mangprotektar a mekanismo para iti pannakainayon ti panaglaing ken kinatalged dagiti OSAEC victim-survivors.
Bayat ti miting kadagiti pannakabagi ti IJM a da Atty. Rey Bicol, Atty. Sam Inocencio, Ms. Dolly Rubia, ken Mr. Ted Romo, dinakamat ni Secretary Gatchalian ti kinapateg ti napaiget nga advocacy campaign tapno makatulong a mangakkal iti madi a panagkita kadagiti OSAEC victim-survivors.
Kakadua ni Gatchalian da Social Technology Bureau Director Helen Suzara ken Child and Youth officer-in-charge Division Chief Darlene Dancel. (AST/Bannawag)
