NARVACAN, Ilocos Sur.—Nalmes ti maysa a babai kalpasan a mapapati nga intinnag ti dua a nabartek iti rangtay sadiay Barangay San Antonio, Narvacan, Ilocos Sur idi malem ti Huebes, Oktubre 31.
Binigbig ti polisia ti biktima nga agtayag iti 5’2”, narapis ken agtawen iti nagbaetan ti 50 agingga iti 60.
Agparparang iti imbestigasion a ti biktima, a mapapati nga agsagsagaba iti intellectual disability ken masansan a makita nga agpagnapagna iti nasao a barangay, ket makirirriri kada Wendell A. Saldua, 37, ken Feliciano B. Paculdar, 48, idi intinnag dagiti dua a lallaki iti rangtay ket nalmes.
Inalaw dagiti rescuer ti nasao a barangay nga indauluan ni Kapitan Alez Gomez ti bangkay ti biktima.
Cauplasan Bridge iti Ilocos Norte, agtalinaed a nakaserra agingga iti Enero 2025
Kinuna ni Gomez a nagsagrap ti biktima iti nakaro a sugat iti ulo ken natiliwen dagiti suspek ken addadan iti kustodia ti polisia.
Freddie Lazaro/Manila Bulletin
