Napaltogan ti maysa a dati a kapitan iti San Miguel, Calasiao, Pangasinan idi agsapa ti Domingo, Nobiembre 3.
Binigbig dagiti polis ti biktima a ni Dexter Doria Jimenez, 58, nagkapitan iti Barangay Gabon, Calasiao.
Segun iti imbestigasion ti polisia, kapampanaw laeng iti lugar (Brgy. San Miguel) ni Jimenez ken ti asawana a ni Marites, 61, a kaduada ti gayyemda a ni Marifel Esperito Hizon, idi immabay iti luganda a Toyota Innova ti maysa a kotse.
Nagsardeng ti kotse, bimmaba ti dua a lallaki ket pinaltoganda ti biktima. Natay a dagus ti biktima.
Ilocos Sur, Umuna a Puesto iti Regional SubayBAYANI Awards
Nairaman a nasugatan ti asawa ni Jimenez ket naitaray iti ospital. Saan met a nadangran ni Hizon.
Suksukimatenen dagiti polis dagiti surveillance camera iti nasao a lugar bayat ti panangisaysayangkatda iti follow-up operations. (Liezle Basa Inigo/MB)
