Agsagsaganan ni Klockwise para iti Red Bull Dance Your Style World Finals a maangay idiay NSCI Dome idiay Mumbai, India inton Nobiembre 9.

Maitampok iti daytoy a kompetision ti 49 nga agkakalaing a sumasala manipud iti entero a lubong a pakapilian ti World Champion iti daytoy a tawen.

Ni Klockwise ti kakaisuna a pannakabagi ti Filipinas. Nakoronaan a National Champion, daytoy agnaed iti Valenzuela a sumasala kalpasan a nangabak iti National Finals sadiay Manila idi napan a Septiembre 28. Sangapulo ket lima (15) a sumasala a naggapu iti entero a pagilian ti inabakna.

Atiddogen ti dinaliasat ni Klockwise tapno makadanon iti World Finals, ngem para kenkuana, mangrugrugi pay laeng daytoy a laban. Ngem kunana a nakasagana a mangsango iti daytoy a karit ket ragsakennna a naited kenkuana daytoy a gundaway a mangibagi iti pagilian iti entablado ti lubong.

Debut solo album ni Lisa nga “Alter Ego,” naiwaragawag ti pannakairuarna

“Ikuyogko ti sibubukel a komunidad dagiti sumasala a Filipino ken ti sibubukel a Filipinas,” kinunana.

Mabuya ti live stream ti salisal iti Red Bull Dance Youtube channel.

Manila Bulletin Entertainment