Dua a mangngalap iti Ilocos Sur ti nakasarak iti maysa a pakete ti shabu nga aggatad iti P6.8 a milion nga agtatapaw iti West Philippine Sea iti Barangay Dili, Santa Cruz, Ilocos Sur idi Domingo, Nobiembre 3.
Inyawatda iti lokal a kuerpo ti polisia ti vacuum-sealed nga agsaragasag a plastik ket addaan iti surat nga Intsik.
Naidatag ti kontrabando iti Philippine Drug Enforcement Agency-Regional Office 1 iti San Fernando City, La Union para iti forensic analysis.
Maibatay iti chemistry report, kompirmado a shabu ti naikabil iti supot ket agdagsen daytoy iti 1,000.40 a gramo ken aggatad iti PhP6,802,720.00.
Ilocos Sur, Umuna a Puesto iti Regional SubayBAYANI Awards
Dinayaw ni hepe ti polisia ti Ilocos Police Brig. Gen. Lou F. Evangelista ti inaramid dagiti dua a mangngalap, ket indagadagna kadagiti amin a mangngalap nga ipulongda iti polisia no adda kastoy a matakuatanda. (Freddie Lazaro/Manila Bulletin//Lito Hilidon/Bannawag)
