SIUDAD TI TACLOBAN – Natay ti maysa nga agtawen-iti-70 a mannalon gapu iti pannakakorientena kalpasan ti aksidente a pannakaiggemna iti live wire iti ruar ti alad ti kaarrubana iti Sitio Lawis, Barangay New Balanac, Villaba, Leyte.
Maibatay iti imbestigasion ti polisia, mapan koma iti talon ti biktima a ni Mario idi dina naigagara a nasagid ti waya ti koriente nga inkabil ti kaarrubana a maysa nga opisial ti barangay a panglapped daytoy iti iseserrek dagiti mannanakaw iti solarna.
Segun pay iti report ti polisia ti Villaba a dagus met nga immarayatda apaman a naammuanda ti napasamak ngem nadatngandan kaduada dagiti kameng ti polisia ti barangay (barangay tanod) ti bangkay ni Mario iti balay daytoy a nangipanan kenkuana dagiti kakabagianna.
Naitaray ti bangkay ti biktima iti Rural Health Unit (RHU) ti Villaba para iti post-mortem examination.
Grade 5 pupil, natay a nakoriente iti Cagayan
Ita a masursurat daytoy, palpalutpoten pay laeng dagiti autoridad ti nasao nga insidente tapno maammuan no mabalin a mapilaan iti kaso ti opisial ti barangay. (MARIE TONETTE MARTICIO/Manila Bulletin
