Pimmigsa pay ni Severe Tropical Storm (STS) Marce (internasional a nagan "Yinxing") ket dandanin agbalin a bagyo, segun iti Philippine Atmospheric, Geophysical and Astronomical Services Administration (PAGASA) ita, Nobiembre 5.
Addaan ni Marce iti kapigsa a 110 a kilometro tunggal oras iti asideg ti sentrona, ken pugso nga agingga iti 135 a kilometro tunggal oras.
Naibayog ti Tropical Cyclone Wind Signal (TCWS) No. 1 iti Batanes, Cagayan agraman Babuyan Islands, ti amianan ken daya a paset ti Isabela, ti amianan a paset ti Apayao, ken ti amianan a paset ti Ilocos Norte. Napigsa nga angin ti marikna kadagitoy a lugar.
Kinuna ti PAGASA a mabalin nga agdisso ni Marce iti Babuyan Islands wenno iti amianan a paset ti kadaklan ti Cagayan inton Huebes wenno Biernes. Ngem mabalin nga agbaliw ti turongen daytoy ket agdisso iti deppaar ti Cagayan ken Isabela.
Listaan dagiti nakapasa iti 2024 Philippine Bar Examination
Namnamaen ti PAGASA a rummuar ni Marce iti Philippine Area of Responsibility (PAR) inton Biernes wenno Sabado, Nob. 9. (Ma. Cristina Arayata/PNA//Lito Hilidon/Bannawag)
