Binallaagan ti Cybercrime Investigation and Coordinating Center (CICC) ti publiko ita, Nobimebre 7, mainaig iti baro nga scam nga agwarwaras babaen ti short message service (SMS) wenno text message a mabalin a mangserrek kadagiti lehitimo a mensahe para kadagiti e-wallet service kas iti GCash ken Maya.
Segun ken ni Executive Director ti CICC Alexander Ramos, dagitoy nga mangallilaw a text message ket kadawyan nga aglaon kadagiti link iti peke a website a mangala kadagiti detalye dagiti account holder, agraman dagiti one-time password (OTP), ken dadduma pay.
Kinuna ni Ramos a mabalin nga aglemmeng ti scam a text message kadagiti lehitimo a text message babaen ti web portal wenno application.
Pinakdaaranna pay ti publiko nga agridam ken saan a katiken dagiti link a naggapu iti text message.
Listaan dagiti nakapasa iti 2024 Philippine Bar Examination
Iti sabali a bangir, pinakdaaranen ti Smart, Maya, ken GCash dagiti kustomerda a dida lukluktan dagiti link a maawatda babaen ti text message. (Raymond Carl Dela Cruz/PNA//Lito Hilidon/Bannawag)
