Ni Donald Trump ti nabotosan a maika-47 a Presidente ti Estados Unidos (US) ti itay Mierkoles, Nobiembre 6.
Nakaala ni Trump iti 277 nga Electoral College Votes, nasursurok ngem iti kasapulan a 270 a botos tapno maala ti kinapresidente.
Ni Kamala Harris a kabalubalna, nakaala iti 224 nga Electoral College votes.
Iti maikadua a panagakemna, inkari ni Trump nga isayangkatna ti maysa a panggep a nakasentro iti dakkel a pannakareporma ti pederal a gobierno ken panangbales kadagiti maibilang a kabusor.
Pinal a desision iti pannakailaksid ti Sulu iti BARMM, impaulog ti Korte Suprema
Iti sabali a bangir, kinablaawan ni Presidente Ferdinand Marcos Jr. ni Trump iti sibaballigi a panagsubli daytoy a kas Presidente ti Estados Unidos.
Patien met ni House Speaker Martin Romualdez nga iti panangituray ni Trump, agtalinaed ti suportana iti seguridad iti taaw ken kinatalged iti West Philippine Sea (WPS).
Mangrugi nga agakem ni Trump inton Enero 20, 2025, ket tawidenna ti adu a karit kas iti kumarkaro a panaglalasin iti politika ken iti sangalubongan a krisis a mangsuot iti impluensia ti Amerika iti ballasiw-taaw. (Associated Press/Manila Bulletin//Lito Hilidon/Bannawag)
