Pinirmaan ni Presidente Ferdinand Marcos Jr. (PBBM) ti Republic Act (RA) No. 12063 wenno ti Enterprise-Based Education and Training (EBET) Framework Act ita, Nobiembre 7, a mangtaming iti giwang ti labor force ken mangbukel iti makaadaptar ken sisasagana tii masakbayan a mangmangged.
Iti panagbitlana iti Malakanyang, inyebkas ni PBBM ti panagtalekna a sumayaat dagiti mangmangged ti pagilian ta papigsaen ti EBET Framework Act dagiti mangmangged babaen ti panangipamaysana iti panangpasayaat ken panagrang-ay.
Inlawlawag ni PBBM a pagtunosen ti EBET Framework Act dagiti nadumaduma a wagas a pakairamanan ti apprenticeship, panangidaulo, ken dual training systems iti sidong ti naurnos nga estruktura a pakairamanan ti isu amin.
Maitunos ti EBET Framework Act iti Trabaho Para sa Bayan Act babaen ti panagkaykaysa dagiti gandat ti gobierno a mangrisut iti kinaawan panggedan ken ti kurang a panggedan tii pagilian, mangpasayaat iti karera ti tao, mangiturong iti nailian a panagdur-as, pannakikompetensia ken agpaut a kinatalged ti ekonomia iti agbalbaliw a sangalubongan a merkado. (Argyll Cyrus Geducos/Manila Bulletin//Lito Hilidon/Bannawag)
