Impaulog ti Department of the Interior and Local Government (DILG) ti inkapilitan a panagbakuit dagiti agindeg kadagiti lugar a nalaka a margaay ken malayus gapu iti pangta ni Bagyo Marce.
Iti maysa a Memorandum, inawagan ti DILG dagiti maseknan nga local government units (LGUs) a nainget nga ipatungpalda ti "forced evacuation" kas maitunos iti “Operation LISTO protocols’’ ti ahensia kadagiti lugar a napeggad unay kas panagsagana iti panaglayus, reggaay ken dadduma pay pagpeggadan, kangrunaan iti Northern Luzon.
Impalagaip ti DILG kadagiti LGU ti mandato ti Section 11 of Republic Act (RA) No. 10121 and Section 16 of RA No. 7160 a mangted iti karbengan kadagiti local chief executives (LCEs) a mangipatungpal iti inkapilitan a panagbakuit no kasapulan, ket maipangpangruna ti kinatalged dagiti ubbing, nataengan, ken tattao nga addaan iti rangkap.
Imbilin met ti DILG ti Philippine National Police (PNP) ken ti Bureau of Fire Protection (BFP) a suportaranda dagiti LCE a mangipatungpal iti forced evacuation.
Listaan dagiti nakapasa iti 2024 Philippine Bar Examination
Kiniddaw met ti DILG kadagiti maseknan nga umili a makitinnulongda koma ken umakarda a dagus kadagiti naituding nga evacuation center wenno natalged a lugar. (Chito Chavez/Manila Bulletin//Lito Hilidon/Bannawag)
