Gapu iti panggep ni kabbotos a presidente Donand Trump a mangisayangkat iti mass deportation dagiti migrante iti United States of America apaman a makapagtugaw inton Enero 20, 2025, impakdaar ni Senate President Francis "Chiz" Escudero a masapul a masaganaan ti mabalin nga epekto daytoy iti Filipinas nangruna ta mapan a 300,000 a Filipino ti mabalin a maapektaran.
Ita a nasapa pay, kinuna ni Escudero a rumbeng a rugianen ti gobierno ti “mangkita kadagiti mabalin a mapagteng a senario iti panagturay ni Trump ken mangisagana iti pangresponde iti tunggal maysa kadagitoy a senario.”
“Manipud iti panagtagilako agingga iti seguridad agingga iti imigrasion, no ania ti imbaga ni Trump a planona nga aramiden, nangruna iti umuna nga aldaw ti administrasionna, ket sigurado nga apektarannatayo,” kinuna ni Escudero.
Impakdaar ni Escudero a no patuloyen ni Trump ti inwaragawag daytoy a panangisayangkat iti kadakkelan a mass deportation iti pakasaritaan ti US, mapattapata a 300,000 a Filipino ti mabalin a maideportar
Listaan dagiti nakapasa iti 2024 Philippine Bar Examination
Kinuna ni Escudero nga uray no maysa laeng a porsiento ti nasao a 300,000 a tattao ti mapagtalaw iti Amerika, kasapulanen ti 10 a dadakkel nga eroplano a pangyawid kadagitoy. (Hannah L. Torregoza/Manila Bulletin)
