Nakaawat iti nasapa a sagut a para Krismas ni gymnast a Karl Jharel Eldrew Yulo manipud ken ni senatorial candidate Luis “Chavit” Singson.
Cash reward ti nasao a gatad iti panangabak ni Yulo iti 3rd JRC Artistic Gymnastics Stars Championships a naangay itay nabiit iti Bangkok, Thailand.
Uppat a balitok ken dua a pirak a medalia ti inyalat ni Yulo: 1 a balitok para iti junior individual all-around, 1 a balitok iti floor exercise, 1 a balitok iti still rings, 1 a balitok iti vault event finals, 1 a pirak para iti parallel bars event, ken 1 a pirak para iti team event.
Para ken ni Singson, maikari unay ni Yulo, 16, a maipaayan iti insentibo iti kinapinget daytoy kas agtutubo a gymnast a determinado a mangragpat iti arapaapna.
Listaan dagiti nakapasa iti 2024 Philippine Bar Examination
Kaduana ni Yulo a nangawat iti regalona dagiti nagannak kenkuana a da Angelica ken Mark Andrew Yulo ken ti kabsatna a ni Elaiza Yulo a maysa met laeng a nalaing a gymnast. Kadua met ni Singson a nangyawat iti regalo ti anakna a ni Ako Ilocano Ako Party-list Rep. Richelle Singson-Michael. (Tempo/MB)
