Impakaammo ni Kris Aquino idi kalman, Nobiembre 10, nga adda iti isolation.
Segun ken ni Kris, nagdesision dagiti dodoktorna nga ag-isolate gapu ta kumapsut a kumapsut ti immune system-na.
“Awanen ti panglabanko iti ania man a klase ti viral wenno bacterial infection,” kinunana.
Inakona a naliday iti kasasaadna ita. Nakaad-adu kano nga alagaden a masapul a tungpalen dagiti kapamilia ken gagayyemna a mayat a sumarungkar kenkuana.
Listaan dagiti nakapasa iti 2024 Philippine Bar Examination
“Ikarkarigatak ti agbalin a positibo ta maka-depress ti addaan iti innem nga autoimmune disorder. Ngem uray kasano ti kinaturedko, adda latta dagiti panawen a damagek iti bagik no kabaelak pay aglalo no aggigiddan nga umatake ti lupus, di mailawlawag nga aledyi, panagbabara ti entero a bagik a kasla aggurigorak, migraine, rheumatoid arthritis, ken ti kasla maibagbagkong a kumutukot a saem kadagiti tultulang iti tumeng, siket ken susuop, sa degdegan pay ti hayblad,” innayonna.
Ngem lumablaban kano ta dina kayat a paayen dagiti mangikarkararag kenkuana.
Neil Ramos/Manila Bulletin
