Imbayog ti Philippine Atmospheric, Geophysical and Astronomical Services Administration (PAGASA) ti Tropical Cyclone Wind Signal (TCWS) No. 4 ita, Nobiembre 11, gapu ken ni Bagyo “Nika” (internasional a nagan "Toraji") bayat ti pananglasatna iti baybay iti daya ti probinsia ti Aurora.

Addaan ni Nika iti kapigsa a 120 a kilometro tunggal oras iti asideg ti sentrona ken pugso a dumanon iti 150 a kilometro tunggal oras.

Naibayog ti TCWS No. 4 kadagiti lugar iti amianan a paset ti Aurora, tengnga ken abagatan a paset ti Isabela, abagatan a paset ti Abra, tengnga ken daya a paset ti Mountain Province, daya a paset ti Ifugao, ken laud ken abagatan a paset ti Kalinga.

Adda iti TCWS No. 3 dagiti lugar iti amianan a paset ti Aurora, amianan a daya a paset ti Nueva Vizcaya, amianan a paset ti Quirino, dadduma a paset ti Isabela, abagatan a laud ti a paset ti Cagayan, dadduma pay a paset ti Abra, abagatan a paset ti Apayao, dadduma a paset ti Kalinga, dadduma a paset ti Mountain Province, dadduma a paset ti Ifugao, amianan a Benguet, abagatan a paset ti Ilocos Norte, ken Ilocos Sur.

Nasional

Listaan dagiti nakapasa iti 2024 Philippine Bar Examination

Iti sabali a bangir, adda iti TCWS No. 2 dagiti lugar iti sentro ti Aurora, ti dadduma a paset ti Nueva Vizcaya, dadduma a paset ti Quirino, amianan a laud ken daya a paset ti Cagayan, dadduma a paset ti Apayao, dadduma a paset ti Benguet, dadduma a paset ti Ilocos Norte, La Union, amianan a daya a paset ti Pangasinan, ken amianan a paset ti Nueva Ecija.

Adda iti TCWS No. 1 dagit lugar iti dadduma a paset ti Aurora, dadduma a paset ti Cagayan (agraman Babuyan Islands), ti dadduma a paset ti Pangasinan, dadduma a paset ti Nueva Ecija, Bulacan, Pampanga, Tarlac, iti amianan ken sentro ti Zambales, Metro Manila, daya a paset ti Laguna, amianan ken daya a paset ti Quezon, Camarines Norte ken amianan a daya a paset ti Camarines Sur.

Itay 4:00 ti parbangon, nasaripatpatan ti sentro ni Nika iti 100 a kilometro iti daya-abagatan a daya ti Casiguran, Aurora. Agpalaud-amianan a laud iti kapardas a 20 a kilometro tunggal oras.

Posible nga agdisso ni Nika iti Isabela wenno amianan a paset ti Aurora ita a bigat (Nob. 11), ket rummuar iti Filipinas inton agsapa wenno malem ti Martes (Nob. 12). (Ellalyn De Vera-Ruiz/Manila Bulletin//Lito Hilidon/Bannawag)