Naipakat ti "cite for contempt" iti uppat nga opisial ti Office of the Vice President (OVP) gapu iti dida latta panangikankano iti komite ti Kamara a mangim-imbestigar iti mapapati a di umisu a pannakausar ti pondo ti OVP nga idadauluan ni Bise Presidente Sara Duterte.
Iti bista ti House Committee on Good Government and Public Accountability ita, Nobiembre 11, inmosion ni Deputy Speaker ken Diputado ti Quezon 2nd district David “Jay-jay” Suarez a ma-cite for contempt dagiti nasao nga opisial gapu iti agtultuloy a dida idadar-ay.
Inaprobaran daytoy ti daulo ti komite a ni Diputado ti Manila 3rd district Joel Chua gapu ta awan ti nangsupiat.
Nainaganan dagiti uppat nga opisial ti OVP a kas Assistant Chief of Staff ken daulo ti Bids and Awards Committee Lemuel Ortonio, Special Disbursing Officer (SDO) Gina Acosta, dati nga Assistant Secretary ti Department of Education (DepEd) Sunshine Charry Fajarda, ken SDO Edward Fajarda.
Listaan dagiti nakapasa iti 2024 Philippine Bar Examination
Inlawlawag ni Chua a linabsing dagiti opisial ti OVP ti Section 11, paragraph A ti internal rules ti Kamara, a di panangikankano iti summon wenno awag nga agparangda iti Kamara.
Gapu iti daytoy, maipupokda iti uneg ti Kamara iti Batasang Pambansa Complex, Quezon City agingga a malpas ti pinal a report ti komite a pagsasaritaan iti plenario. (Dexter Barro II/Manila Bulletin//Lito Hilidon/Bannawag)
