Kinarit ni dati a presidente Rodrigo Duterte ti International Criminal Court (ICC) a rugianda a dagus ti panagimbestigarda iti programana idi a war on drugs idinto a kinunana a saan a mabuteng.
Iti idadar-ayna iti bista ti Quad-committee (quad-comm) ti Kamara ita nga aldaw, Nobiembre 13, kinarit ni Duterte ti ICC nga umayen iti pagilian ket rugiandan a dagus ti panagimbestigarda.
Segun ken ni Duterte, 79, mabalin a natayton sakbay a marugian ti ICC ti panagimbestigarda.
Kinuna ni Duterte a dina pulos a kabuteng ti ICC, ket mabalin nga umayda iti Filipinas iti ania man nga oras.
Listaan dagiti nakapasa iti 2024 Philippine Bar Examination
Idi Marso, 2018, bayat ti panagakem ni Duterte a kas presidente, imbilinna ti panangpanaw ti Filipinas iti Rome Statute, a nangbukel iti ICC.
Segun kadagiti kritiko, impanaw ni Duterte ti Filipinas iti ICC tapno salaknibanna ti bagina manipud iti imbestigasion mainaig iti kampaniana kontra iti droga. (Ellson Quismorio/Manila Bulletin//Lito Hilidon/Bannawag)
