Kalpasan a naaramid ken naipasana amin a kasapulan a requirement, naturpos ti Provincial Health Team, babaen ken ni Gobernador Jeremias “Jerry” Singson, ti Bayang Malusog: Provincial Leadership and Development Program (PLDP) Accelerating Universal Health Care.
Inawat ni Gob. Singson ti sertipiko ken plake ti panagturpos idi Nobiembre 8, 2024 iti The Heritage Hotel, Manila.
Panggep ti PLDP a maikkan iti naan-anay nga adal dagiti lokal a lider ti salun-at tapno nasaysayaat pay ti panangidaulo, panangmanehar, ken panangyimplementarda kadagiti local health system iti masakupanda. Naisayangkat daytoy babaen ti panagbibinnulig ti Department of Health, Zuellig Family Foundation, ken ti University of the Philippines (UP) Manila College of Public Health.
Addaan ti programa ket addaan iti tallo a module iti uneg ti dua a tawen ket maisuro ti konsepto ti panagtagikua, pannakipagtagikua, ken pannakikammayet babaen ti diskusion, practicum activities, ken deep dive sessions nga agturong iti nasaysayaat a pagbanagan ken pannakapapardas ti implementasion ti universal health care iti probinsia.
Coffee Festival, Maangay iti Ilocos Sur
Kadua ni Gob. Singson a nagturpos dagiti mangbukel iti Ilocos Sur Provincial Health Team a pakairamanan da Provincial Administrator Marlon Tagorda, Provincial Health Officer II Dr. Trina Tabboga Talaga, Provincial Health Officer I Dr. Lapaz Peredo, Provincial Legal Officer Atty. Nina Manalo, Provincial Accountant Leilani Arce, Provincial Planning and Development Coordinator Ar/EnP Estrelita Rugnao, Provincial Budget Officer Rolly Melandres, DILG Ilocos Sur Provincial Director Randy Dela Rosa, Provincial Health Team Leader Engr. John Foz, ken ti President Association of Municipal Health Officers of the Philippines-Ilocos Sur a ni Dr. Lioba Tolentino. (Teksto: Mancielito S. Tacadena/Ladawan: Pammadayaw ti Opisina ti Gobernador)
