Pinaayaban ti Department of Foreign Affairs (DFA) ti embahador ti China iti Manila tapno agprotesta mainaig iti baseline claim ti China iti teritorio a baybay a kabangibang ti Panatag Shoal, a paset ti Exclusive Economic Zone (EEZ) ti Filipinas.
Kinuna ni panakangiwat ti DFA Ma. Teresita Daza itay Nobiembre 13 nga inaramidda daytoy ta dagiti indeklarar ti China a baseline ket manglabsing iti kalintegan ti Filipinas iti masakupanna ken iti internasional a linteg, nangruna ti 1982 UN Convention on the Law of the Sea ken ti 2016 Arbitral Award.
Innayon ni Daza nga awan ti legal a pagibasaran ti indeklarar ti China a baseline ken saan a bigbigen ti Filipinas.
Itay Martes (Nob. 12), nangidatag ti Filipinas iti diplomatic protest kontra iti China kas panangsupiat iti deklarasion daytoy.
Listaan dagiti nakapasa iti 2024 Philippine Bar Examination
Segun iti DFA, agdagup iti 56 a protesta ti impila ti Filipinas kontra iti China sipud nangrugi ti tawen.
Idi Nobiembre 10, indeklarar ti China ti bukodna a baseline iti baybay iti Panatag, ket kunkunana a natural a tignay ti gobierno ti China daytoy. (Joseph Pedrajas/Manila Bulletin//Lito Hilidon/Bannawag)
