SIUDAD TI ZAMBOANGA - Inaresto dagiti polis idi kalman, Lunes, Nob. 18, ti maysa nga anak a lalaki ti maysa a retirado a heneral ken nasamsam kenkuana ti agpateg iti dandani PhP30-milion ti pategna a maatap a shabu bayat ti maysa a buy-bust operation iti daytoy a siudad.
Natiliw ni Ashraf Kayzar Ikbala, alias Bhar, 40-anios, iti Sitio Palawan, Zone 2, Barangay Divisoria.
Nakompiskar dagiti pannakabagi ti linteg dagiti nai-plastic bag a shabu nga agdagsen iti 4.4 a kilo nga aggatad iti mapattapatta a PhP29.92-million ken ti kuarta a naaramat iti buy-bust.
Naipan dagiti nakompiskar a maatap a shabu iti Regional Forensic Unit-9 tapno maamiris idinto a naipan ti suspek iti detention facility ti Zamboanga City Police Office.
Ilocos Sur, Umuna a Puesto iti Regional SubayBAYANI Awards
Nabigbig ni Ikbala a kas anak ni retired police Gen. Sukarno Ikbala. Idi 2019, naaresto iti umuna a gundaway ti anakna kalpasan a natiliwan daytoy nga addaan iti aggatad iti PhP100,000 a maiparit a droga.
Naisayangkat ti operasion kontra iti droga idi Lunes babaen ti Regional Drug Enforcement Unit-9, Zamboanga Police Station 6, RDEU Zamboanga City, Police Regional Office-9, Philippine Drug Enforcement Agency-9, ken National Intelligence Support Group-Western Mindanao. (Liza Jocson/ Manila Bulletin)
