Impaay ti Department of Interior and Local Government (DILG) Regional Office 1 iti Ilocos Sur ti Umuna a Puesto iti 2024 Regional SubayBAYANI Awards (Provincial Category) iti awarding ceremony a naangay iti EM Royalle Hotel, San Juan, La Union idi Nobiembre 19, 2024. Inawat daytoy ni Sangguniang Panlalawigan Member Art Constantine Oandasan a nangibagi ken ni Gobernador Jeremias “Jerry” Singson.
Segun ken ni DILG Regional Director Jonathan Paul Leusen Jr., maipaay daytoy a pammadayaw kadagiti local government unit nga addaan iti napintas a performance iti pannakayimplimentar dagiti lokal a proyekto nga impraestruktura.
“Daytoy a pammigbig ti mangipakita iti naisangsangayan a regget ti gobierno probinsial ti Ilocos Sur a nakaipaay iti napateg unay a kontribusion iti pakabuklan a performance iti sibubukel a Rehion Uno,” kinuna ni Leusen.
Nagyaman met ni Gob. Singson iti DILG RO1 iti panangbigbigna iti probinsia. Kinuna ti gobernador a daytoy ti testamento nga ipangpangruna ti gobierno probinsial ti transparency ken good governance tapno masigurado a tunggal pisos a mabusbos iti proyekto ket maipatarus iti addaan kaipapanan a panagbalbaliw para kadagiti nadumaduma a komunidad iti Ilocos Sur.
Coffee Festival, Maangay iti Ilocos Sur
Naipaay met iti DILG-Ilocos Sur nga idauluan ni Provincial Director Randy De la Rosa ti umuna a puesto iti 2024 Regional SubayBAYANI Awards (DILG Provincial Office Category). (Mancielito S. Tacadena)
