SANTA MARIA, Ilocos Sur – Dua a menor de edad ti natay iti pannakaidungpar ti motorsikloda iti maysa a rangtay iti Barangay Laslasong itoy nga ili idi Lunes, Nobiembre 25.
Binigbig ni Police Major Macario Dulawan Jr., chief of police ditoy, dagiti biktima a da Junjun, motorcycle driver, ken ti back rider a ni Sonny, agpada a residente iti Barangay Lingsat iti daytoy nga ili.
Kinuna ni Dulawan a napukaw ni Junjun ti kontrol ti motorsiklo a nangdungpar iti kongkreto a barandilias ti rangtay.
Naipuruak dagiti biktima iti 20 a metro ti kaadayoda ken nakaro ti sugatda. Naitaray dagitoy iti maysa nga ospital a nakaideklararan dagitoy a natay gapu iti aksidente.
Awan pay linokloko ni Neri, kinuna ni Parokya ni Edgar lead vocalist Chito Miranda
Kinuna ni Dulawan nga awan ti helmet dagiti biktima ken nabartekda idi napasamak ti aksidente.
Impalagip ti polisia a di koma agmaneho ti asino man a nabartek iti ania man a lugan tapno maliklikan ti desgrasia. (Freddie Lazaro/ Manila Bulletin)
