Inawat ti Filipinas ti "di mapagduaduaan a pannakipaset" dagiti pagilian a kameng ti Group of Seven (G7) iti naibatay-linteg a kinaurnos iti South China Sea ken iti nasaksaknap nga Indo-Pacific a rehion.
Iti pinal a deklarasion dagiti Foreign Minister ti G7 itay Nobiembre 26, kinuna dagiti pito a pagilian a maseknanda unay iti kasasaad iti East ken South China Sea (SCS).
Impaganetgetda nga awan ti legal a pagbatayan ti China iti panangtagikuana iti nasaknap a baybay iti South China Sea, ken sinupiatda ti militarisasion, panangipapilit, ken panangbutbuteng ti China iti deppaar ti SCS.
Impaganetget ni Sekretario ti Department of Foreign Affairs Enrique Manalo a nakipaset iti taripnong ti G7 iti Italy a pakaseknan ti sangalubongan ti kasasaad ti Indo-Pasipiko.
Segun ken ni Manalo, nasurok a 30 a porsiento dagiti maibibiahe a produkto iti sangalubongan ti aglasat iti SCS, isu a saan laeng a parikut ti Filipinas ti kasasaad iti West Philippine Sea (WPS).
24 a Filipino a naibalud iti Russia, winayawayaan ni Putin
Ti G7 ket buklen dagiti pagilian nga Italy, Germany, ti United Kingdom, Canada, France, ti Estados Unidos, ken Japan. (Joyce Ann L. Rocamora/PNA//Lito Hilidon/Bannawag)
