Pinatalgedan ita, Nobiembre 29, ni Presidente Ferdinand R. Marcos Jr. (PBBM) nga adda "pribado" a mensahena iti Kongreso a saanda a dadaelen ti panawenda a mangipila iti impeachment complaint kontra ken ni Bise Presidente Sara Duterte.
Iti maysa nga interbiu, inaklon ni PBBM nga isuna ti naggapuan ti nagwaras a text message kadagiti diputado a saanda nga ipila ti impeachment complaint kontra iti Bise Presidente.
Kinuna ni PBBM a saan a a rumbeng a pagbusbosan iti panawen ti impeachment complaint ta saan daytoy a mabaliwan ti kasasaad dagiti Filipino, ket masinga laeng ti trabaho ti gobierno.
Innayon ni PBBM a bassit laeng a banag ti pagsusupiatanda no maisayangkat ti impeachment complaint.
Listaan dagiti nakapasa iti 2024 Philippine Bar Examination
Itay Nobiembre 26, impakdaar ni House Assistant Majority Leader ken Diputado ti Zambales Jay Khonghun a mabalin a pagbatayan ti impeachment ti panagpangta ni BP Duterte maibusor ken ni PBBM, First Lady Liza Araneta-Marcos, ken House Speaker Martin Romualdez. (Ruth Abbey Gita-Carlos/PNA//Lito Hilidon/Bannawag)
