Inukkon ni Presidente Ferdinand R. Marcos Jr. (PBBM) dagiti kameng ti bunggoy a mangimatmaton iti ekonomia itay Nobiembre 28 iti Makalanyang, tapno pagsasaritaanda dagiti maipangpangruna a proyekto ti administrasion a nasken a maponduan para iti 2025.
Tinaming da PBBM ken dagiti economic manager ti pagilian ti maipapan kadagiti kangrunaan a proyekto para iti impraestruktura ken natalged a suplay ti taraon a maipangpangruna a inton umay a tawen, segun ken ni Press Briefer ti Malakanyang Daphne Oseña-Paez.
Dimmar-ay met da House Speaker Martin Romualdez ken Senate President Francis Escudero iti nasao a taripnong, ket impasiguradoda ken ni PBBM nga agtultuloy ti panangsuportar ti Kongreso kadagiti kangrunaan a proyekto ti agdama nga administrasion.
Kinuna ni Sekretario ti National Economic and Development Authority (NEDA) Arsenio Balisacan nga inanamangonda a masapul a maipatungpal dagiti proyekto ti administrasion a mangitunda iti panagdur-as ti ekonomia ken kagimongan.
Listaan dagiti nakapasa iti 2024 Philippine Bar Examination
Kinuna ni Balisacan a sumagmamano kadagiti proyekto a maipangpangruna inton umay a tawen ti panangpabileg iti natalged a suplay ti taraon ken panangpasayaat iti kasasaad ti ekonomia babaen ti panangparang-ay iti sektor ti impraestruktura. (Ruth Abbey Gita-Carlos/PNA//Lito Hilidon/Bannawag)
