Um-umsien dagiti pagilian iti entero a lubong ti Filipinas gapu kadagiti ar-aramiden ni Bise Presidente (BP) Sara duterte, kinuna ni dati a senador Leila de Lima iti panangikalinteganna iti tignay a panangpaikkkat iti maikadua a kangatuan nga opisial ti pagilian.
Iti maysa nga interbiu ita nga aldaw, Disiembre 3, binabalaw ni de Lima ni BP Duterte iti saanna a panangsungbat kadagiti maipagarup a di umno a pannakausar ti PhP612.5 a milion a confidential fund ti opisinana, ken ti panangpangtana a mangpapatay kadagiti dadduma pay nga opisial ti gobierno, agraman ken ni Presidente Marcos.
Patien ni de Lima a katkatawaan ti entero a sangalubongan ti Filipinas gapu kadagiti ar-aramiden ti Bise Presidente a kas iti "conditional threat" nga insawangna iti kallabes.
Kinuna ni de Lima a saan a rumbeng a mapalubosan ti bise presidente a mangipagarup iti bagina a nangatngato ngem iti linteg.
Mayawiden ti bangkay ti napapatay a Filipina iti Slovenia, segun iti DFA
Itay Disiembre 2, kinadua ni de Lima dagiti gunglo ti kagimongan a nangipila iti impeachment complaint kontra ken ni BP Duterte gapu iti maatap a panaglabsing iti Konstitusion, betrayal of public trust, bribery, graft and corruption, ken dadduma pay a krimen. (Ellson Quismorio/Manila Bulletin//Lito Hilidon/Bannawag)
