Indatag ti nadumaduma a sektoral a grupo ti maikadua nga impeachment complaint maibusor ken ni Bise Presidente (BP) Sara Duterte iti Kamara ita nga aldaw, Dis. 4.
Indauluan ti grupo a Bagong Alyansang Makabayan (Bayan) ti 75 a nangidatag iti impeachment complaint gapu iti betrayal of public trust.
Dinakamat ti impeachment complaint ti maipagarup a di umno a pannakausar ti PhP612.5 a milion a confidential fund ti Office of the Vice President (OVP) ken ti Department of Education (DepEd) a nagpaayanna a sekretaria.
Nadakamat met ti "systematic cover-up" ti di umisu a pannakausar ti pondo babaen dagiti mapagduaduaan a dokumento a naidatag iti Commission on Audit (COA) ken ti maipagarup a pananglappedna iti panagimbestigar ken panangimaton ti kongreso.
Pannakapapatay babaen ti firing squad dagiti managkunniber nga opisial ti gobierno, indagadag ti maysa a diputado
Inyendorso da Diputado France Castro (ACT Teachers Party-list), Arlene Brosas (Gabriella Women's Party-list), ken Raoul Manuel (Kabataan Party-list), a kameng ti Makabayan bloc, ti nasao nga impeachment complaint. (Dexter Barro II/Manila Bulletin//Lito Hilidon/Bannawag)
