Agarup PhP1 a bilion nga utang dagiti mannalon iti Central Mindanao ti napakawan, segun ken ni Presidente Ferdinand Marcos Jr. it anga aldaw, Dis. 5.
Daytoy ti kinuna ni PBBM iti panangidaulona iti pannakaiwaras ti 13,527 a Certificates of Condonation with Release of Mortgage (CoCROMs) kadagiti Agrarian Reform Beneficiaries (ARBs) iti rehion.
Adda 11,709 a benepisiario manipud iti Sarangani, Cotabato, South Cotabato, ken Sultan Kudarat ti mawayawayaan iti PhP939 a milion nga utangda, agraman interes ken dadduma pay babayadan.
Gapu iti daytoy, kinuna ni PBBM a mabalin nga usaren dagiti mannalon ti urnongda para kadagiti dadduma pay a kasapulanda.
Pannakapapatay babaen ti firing squad dagiti managkunniber nga opisial ti gobierno, indagadag ti maysa a diputado
Iti isu met laeng nga aldaw iti Davao Region, nawayawayaan met dagiti 9,158 nga ARB iti Davao Del Norte, Davao De Oro, and Davao Oriental manipud iti utangda nga agdagup iti PhP678,103,641.35.
Binalakadan ni PBBM dagiti umili iti Central Mindanao nga itultuloyda koma a salakniban ti nabuslon a parabur ti nakaparsuaan ken patibkerenda ti agrikultura ti pagilian. (Betheena Unite/Manila Bulletin//Lito Hilidon/Bannawag)
